Cutie @ Fun Kitchen 吃、喝、玩、樂 生活誌

Party food: 煙燻鮭魚塔

Âng-liân-ian kiâm phài

(台語羅馬拼音)

Kin-á-ji̍t kài-siāu ê âng-liân-ian kiâm phài, chún-pī ê koè-têng khah kāu-kang, tān-sī ū chi̍t koa châi-liāu ē-ēng boé pian ê tioh hó.  Chhin-chhiūⁿ phài phoê ê pō͘-hūn, ē-tàng bé pian ê (hang hó ê), m̄-kò tāi-pō͘-hūn chhiau-chhī boē ê phài phoê long sī tiⁿ ê (sī theh lai choe tiⁿ-lō͘ iōng leh), mā ē-sái bé léng-tòng ê phài phoê, bé tńg-lâi seng thè-peng, chiah géng choe beh theh lâi hang ê phài phoê ê toa sè. Goá tio̍h-sī bé léng-tòng ê phài phoê lai ìn choe beh hang ê phài phoê au-á.

Châi-liāu:

Âng-liân-ian

Kiô-á sek ê chhang-thâu

N̂g sek ê tāi-tong-á

Chhang-á (kan-ta beh ū le̍k-sek, mā ē-ēng iōng chheⁿ tāu-jîn)

Nn̄g

Gû-lin (iōng liōng chin chio, goá sī chi̍t liap nn̄g, khǹg nn̄g toa thng-sî ê gû-lin)

Iâm kap o͘-hô͘-chio hún

Cheddar cheese

Phài phoê (shortcrust pastry)

Goá bô kè-sǹg tiōng-liōng, chú-iàu kā choe goā-choē hūn ū koan-hē, m̄-kò āⁿ ê pō͘-hūn, kî-si̍t iōng liau bô choē, i goá so͘ choè ê size ê phài phoê, chi̍t-ê âng-liân-ian phài ká-ná su-iàu chi̍t toa thng-sî ê āⁿ ê liōng tioh ū-kàu.

choè-hoat:

1. Boé pian ê phài phoê géng choe 0.5cm ê kāu-tō͘, iōng piáⁿ-koaⁿ chhiat bô͘ a̍h-sī poe-á, ìn chhut chi̍t tiuⁿ tiuⁿ îⁿ-hêng ê phài phoê, kā phài phoê khǹg ji̍p muffin ê bô͘-á lāi. (Chhiáⁿ àn-chiàu lí ê bô͘-á ê toa sè tiâu-chéng so͘ sú-iōng ê chhiat bô͘ ê size.)

2. Chhang-thâu, tāi-tong-á, chhang-á long chhiat sè kak, theh chi̍t-ê oáⁿ kā chhiat hó ê chhài-se kap nn̄g, gû-lin lā ho͘ chiâu-ûn, sīn-soà chham kiâm-tiⁿ.  Lēng-goā, kā âng-liân-ian iōng chhiú liah choe sè phiⁿ.

3. Kā āⁿ iúⁿ lo̍h phài phoê tiong, chham chi̍t koa âng-liân-ian si, choè-āu koh chham cheese.

4. Sang ji̍p hang-lô͘, iōng 200°C hang 20~25 hun-cheng, thah bīn pián choe n̂g-kim sek, tioh ē-sái!

(台語漢字)

今仔日 介紹 的 紅鰱煙 鹹派, 準備 的 過程 卡 厚工, 但是 有 一 些 材料 會用 買 便 的  就好.  親像 派 皮 的 部分, 會當 買 便 的 (烘 好 的), 毋過 大部份 超市 賣 的 派 皮 攏 是 甜 的 (是 提 來 做 甜路 用 leh), 嘛 會使 買 冷凍 的 派 皮, 買 轉來 先 退冰, 才 研(桿) 做成 拿來 烘 的 派 皮 的大小. 我 著是 買 冷凍 的 派 皮 來 印做 要拿來烘的派皮 歐仔(杯子)

材料:

紅鰱煙

茄仔色(紫色) 的蔥頭

黃色的大同仔(黃甜椒)

蔥仔 (只是 欲 有 綠色, 嘛 會用 用 青豆仁)

卵

牛奶 (用 量 真 少, 我 是 一 粒 卵, khǹg 二 大 湯匙 的 牛奶)

鹽 及 烏胡椒粉

cheddar cheese

派 皮 (shortcrust pastry)

我 無 計算 重量, 主要 kā 做 多少 份 有 關係, 毋過 餡 的 部分, 其實 用 料 無 多, 依 我 所 做 的 size 的 派 皮, 一個 紅鰱煙 派 假那 需要 一 大 湯匙 的 餡 的 量 著 有夠.

做法:

1. 買 便 的 派 皮 研(桿) 做 0.5cm ê 厚度, 用 餅乾 切 模 抑是 杯仔, 印 出 一 張 張 圓形 的 派 皮, kā 派 皮 khǹg 入 muffin的 模仔 內. (請 按照 你 的 模仔 的 大小 調整 所 使用 的 切模 的 size.)

2. 蔥頭, 大同(甜椒), 蔥仔 攏 切 細 角, 提 一個 碗 kā 切 好 的 菜蔬 及 卵, 牛奶 攪 呼齊勻, 順紲 參鹹甜.  另外, kā 紅鰱煙 用 手 撕 做 小 片

3. kā 餡 舀 落 派 皮 中, 參 一 些 紅蓮鵪 絲, 最後 閣 參 cheese.

4. 送 入 烘爐, 用 200°c 烘 20~25 分鐘, 塔 面 變 做 黃金色, 著 會使! 

(中文漢字)

今天介紹的，準備過程比較繁複，但是，可以有些材料買現成的就好。例如，塔皮的部份，可以買現成的，只是大部份超市賣的塔皮，都偏向甜味(主要是做甜點用)，又或者，可以買現成的派皮，自己桿成塔皮。我是屬於後者。

材料:

煙燻鮭魚

紫色洋蔥

黃色甜椒

青蔥(單純想要有綠色，也可以用青豆仁)

蛋

牛奶 (量非常少，我是一顆蛋，放兩大匙的牛奶)

鹽 和 黑胡椒粉

Cheddar cheese 少許

派皮(shortcrust pastry)

我沒有計算重量，主要跟做多少份有關係，然，餡料的部份，其實用量不多，依照我所做的size的塔皮，一個鮭魚塔只需要一大湯匙的餡料而已。

做法:

1. 現成派皮桿成約0.5cm厚度的片狀，用cookie cutter或者杯子，印出一張張圓形派皮，放入muffin case當中。(請依照你有的模型大小來調整使用的cuuter的size)

2. 洋蔥、甜椒、青蔥都切成細丁，拿一個碗，把這些蔬菜丁和蛋、牛奶拌勻。並調味。煙燻鮭魚撕成細片。

3. 把蔬菜和蛋的混合餡料舀入派皮中，並灑上一些煙燻鮭魚絲。最後灑上cheese。

4. 放入烤箱，用200°C 烤約20~25分鐘，塔面呈金黃色，即可。