Cutie @ Fun Kitchen 吃、喝、玩、樂 生活誌

(台語羅馬拼音)

Chit lé-pài lâi choe chi̍t-koá kú-pān party ê sî-chūn ē-sái chún-pī ê chia̍h-mi̍h! Kài-siāu ê long sī kan-tan koh ē-tàng chi̍t chúi chiah lo̍h ê finger food. Choè-āu (choân-pō͘ teng oân), lâi pān tâu-phiò ê oa̍h-tāng, ho͘ tāi-ke soán chhut siōng siūⁿ beh chiah ê chi̍t hāng party food lo͘!

Kin-á-ji̍t kài-siāu ê sī chiok kan-tan choe, chí-iàu bé hó châi-liāu, kap kap leh tio̍h-sī party food la - chhè piáⁿ hê-jîn chiu

Châi-liāu:

hê-jîn, kui boé

hê piáⁿ, hoan-be̍h piáⁿ, hô-lân-chî piáⁿ long ē-sái, kui phìⁿ

Tzatziki chiùⁿ

Iân-sui hio̍h, kui hio̍h

Tzatziki sǹg sī Hi-lia̍p (Greece) ê chi̍t chiong ùn-chiùⁿ! Goá ê chi̍t-ê iau-kiau bí-lē ê Hô-lân bí-lú pêng-iú, i kap gún khì Hi-lia̍p (Greece) chhan-koán chiah àm-tǹg, i long ài seng tiám nn̄g poaⁿ tzatziki ùn nn̄g lâng hūn ê pita bread chiah ē sim-moá-ì-chiok khai-sí chiah chú si̍t kap tiⁿ-lō͘.

Tzatziki ê choè-hoat, chhiáⁿ chham-khó Xristina ê bāng-chām, i kài-siāu liau chiok siâng-sè, goá sī àn-chiàu i-ê si̍t-phó͘ choe ê.

Chhè-piáⁿ ê pō͘-hūn, goân-lâi ê si̍t-phó͘ sī iōng papadum (chi̍t chiong Ìn-tō͘, iōng bí hún khì hang ê po̍k piáⁿ), goá bé bô hiah-ni̍h sè ê papadum, só͘-í bé chhiau-chhī chū-iú phín-pâi ê hô-lân-chî piáⁿ lâi tāi-thè.

choè-hoat:

Theh chi̍t phìⁿ hô-lân-chî piáⁿ, iúⁿ chi̍t sè-thng-sî ê tzatziki chiùⁿ tī bīn-téng, pâi lo̍h thǹg hó khǹg liâng ê hê-jîn, choè-āu pâi siōng chi̍t phìⁿ iân-sui hio̍h, tioh ē-sái lih.

Iân-sui hio̍h m̄-nā sī pâi súi, mā ē ke-thiⁿ só͘-iú ê si̍t-châi choè-hoé tī chúi lāi-té kap khí-lâi ê bī o͘.

(台語漢字)

這 禮拜 來 煮 一寡 舉辦 party 的 時陣 會使 準備 的 食物! 介紹 的 攏 是 簡單 閣 會當 一 嘴 食 落 的 finger food. 最後 (全部 貼完), 來 辦 投票 的 活動, 呼 大家 選 出 尚 想 欲 食 的 一 項 party food 囉!

今仔日 介紹 的 是 足 簡單 做, 只要 買 好 材料, 合 合 leh 著是 party food 啦 - 脆餅蝦仁舟

材料:

蝦仁, 幾尾

蝦餅, 番麥餅, 荷蘭薯餅 攏會使, 幾片

tzatziki 醬

芫荽葉, 幾葉

tzatziki 算 是 希臘 (greece) 的 一 種 搵醬! 我 的 一個 妖嬌 美麗 的 荷蘭 美女 朋友, 伊 及 阮 去 希臘 (greece) 餐館 食 暗頓, 伊 攏 愛 先 點 二 盤 tzatziki 搵 二 人 份 的 pita bread 才會 心滿意足 開始 食 主食 及 甜路.

tzatziki 的 做法, 請 參考 xristina 的 網站, 伊 介紹了 足詳細, 我 是 按照 她的 食譜 做的.

脆餅 的 部分, 原來 的 食譜 是 用 papadum (一 種 印度, 用 米 粉 去 烘 的 薄 餅), 我 買 無 hiah呢(那麼) 細 ê papadum, 所以 買 超市 自有 品牌 的 荷蘭薯餅 來 代替.

做法:

提一 片 荷蘭薯 餅, 舀 一 細湯匙 的 tzatziki 醬 佇 面頂, 排 落 燙好 khǹg 涼 的 蝦仁, 最後 排 上 一 片 芫荽葉, 就 會使 哩.

芫荽葉 不但 是 排suí, 嘛 會 加添 所有 的 食材 做夥 佇 水 內底 合 起來 的 味 喔! 

(中文漢字)

這禮拜來介紹party的時候，可以準備的食物吧!基本上，就是又簡單，又可以一口吃下的finger food。最後，我們再舉辦票選活動，讓大家選出最想吃的一項party food囉!

今天介紹的是非常容易做，基本上只要買好材料，組合就可以的party food – 脆餅蝦仁舟。

材料:

蝦仁: 數尾

蝦餅、玉米餅、洋芋片等都可以: 數片

Tzatziki醬

芫荽葉: 數片

Tzatziki算是希臘的一種沾醬吧!我有個苗條的荷蘭美女朋友，她跟我們去希臘餐館吃晚餐，竟然開胃菜的部份，可以點兩盤tzatziki沾兩人份的pita bread才能

心甘情願吃主菜和甜點哩。

Tzatziki的做法，請參考Xristina的網站，她介紹得比較詳盡，而我也是依照她的食譜自己做的。

脆餅的部份，原食譜使用的是papadum(一種印度的用米粉/rice flour去做的薄餅)，我買不到這麼小size的，因此買超市自有品牌的洋芋片代替(我買這款-泰式甜辣口味的減脂洋芋片)

(圖片網址: http://www.netdoctor.co.uk/dietandnutrition/ontest/savourysnacks.htm)

本身這種洋芋片的調味就已經相當足夠，因此，除了tzatziki之外，我沒有再添加任何其他的調味料。

做法:

拿一片洋芋片，舀一湯匙的tzatziki在上面，擺上川燙放涼的蝦仁，最後擺上一片芫荽葉，即可。

芫荽葉不是只有裝飾，也可增加所有食材在嘴中咀嚼的味道唷!