Cutie @ Fun Kitchen 吃、喝、玩、樂 生活誌

草莓蛋糕

Chhì-m̂ koe-nn̄g-ko

刺莓雞卵糕

Súi ko͘-niû-á kā goá kâng-khoán ài chiah koe-nn̄g-ko tān-sī koh kiaⁿ toā-ko͘ ma? Nā-sī án-ne, chit-leh koe-nn̄g-ko ê choè-hoat it-tēng ài kì-khí-lâi.  M̄-bián iōng tioh bá-tah (gû-iû), tioh ho͘ lí kiam chiah chiok-choē calorie. Thn̂g ê pō͘-hūn mā-sī ē-sái kiam chió. Nama cream ē-sái iōng yogurt lâi chhú-tāi.

水姑娘仔kā我仝款愛食雞卵糕但是koh驚大ko͘嗎? 若是按呢, 這leh雞卵糕的做法一定ài記起來. 毋免用著bá-tah (牛油), 著呼你減食足多calories. 糖的部份嘛是會使減少. Nama cream會使用yogurt來取代.

Koe-nn̄g-ko pō͘-hūn ê châi-liāu:

nn̄g, 2 liap

soa-thn̂g, 75g

mī-hún, 50g

雞卵糕部份的材料:

卵, 2粒

砂糖, 75g

麵粉, 50g

Āⁿ kā pâi-súi ê châi-liāu:

Chhì-m̂, 300g

Yogurt/nama cream: 120ml

Le-bóng chiap, poan liap

Thn̂g: 1 sio-thng-sî

餡kā排súi的材料:

刺莓, 300g

Yogurt/nama cream: 120ml

檸檬汁, 半粒

糖, 1 小湯匙

1. Seng kā hang-lô͘ jia̍t kàu 180 tō͘

2. Nn̄g phah soáⁿ, thn̂g pun kúi kái ka-ji̍p, kè-sio̍k phah kàu nn̄g kô͘ phōng-song, thé-chek tiùn-toā chì-chió poe-poan.

3. Mī-hún koè-thai, tó-ji̍p nn̄g kô͘, khin-khin-á poan ho͘ chiâu-ûn.

4. Mī-hún kô͘ tó-ji̍p koe-nn̄g-ko ê bô͘-á, hang 20~25 hun-cheng.

5. Hang koe-nn̄g-ko ê sî-chūn, ē-sái chún-pī āⁿ kā pâi-súi ê chhì-m̂. Chhì-m̂ pun nn̄g hūn, chi̍t-hūn chhiat-kak, chi̍t-hūn chhiat-phiⁿ. Chhiat-kak ê chhì-m̂ kā yogurt/nama cream poan-choe āⁿ. Chhiat-phiⁿ ê chhì-m̂ chham-ji̍p le-bóng-chiap kā thn̂g, beh choè choe pâi-súi ê sú-iōng.

6. Hang hó, koe-nn̄g-ko án bô͘-á the̍h-khí-lâi, khn̄g ho͘ liang, iōng to-á án koe-nn̄g-ko ê pak-tó͘-piⁿ chhiat nn̄g-pêng.

7. Āⁿ boah-leh nn̄g phiⁿ koe-nn̄g-ko ê tiong-ng, pâi-súi ê chhì-m̂ chi̍t-phiⁿ chi̍t-phiⁿ po͘ pâi tī-leh  koe-nn̄g-ko ê bīn-téng. Oân-sêng.

1. 先kā烘爐熱到180度

2. 卵phah散, 糖分幾改加入, 繼續phah到卵糊蓬鬆, 體積tiùn大至少倍半

3. 麵粉過篩, 倒入卵糊, 輕輕仔拌乎齊勻

4. 麵粉糊倒入雞卵糕的模仔, 烘20~25分鐘

5. 烘雞卵糕的時陣, 會使準備餡kā排súi的刺莓. 刺莓分兩份, 一份切角, 一份切片. 切角的刺莓kā切角的刺莓kā yogurt/nama cream 拌做餡. 切片的刺莓摻入檸檬汁kā糖, 欲作做排水的使用

6. 烘好, 雞卵糕按模仔提起來, khn̄g呼涼, 用刀仔按雞卵糕的腹肚邊切兩爿

7. 餡抹leh兩片雞卵糕的中央, 排súi的刺莓一片一片po͘排佇咧雞卵糕的面頂. 完成.