Cutie @ Fun Kitchen 吃、喝、玩、樂 生活誌

Berries Dream - m̂-á ê bāng  莓之夢 (甜點)

Chit-ê si̍t-phó͘ sī án Michelin saⁿ-chhiⁿ chóng-phò͘-sai Gordon Ramsay ê strawberry and white chocolate millefeuille oh lâi ê.

Goá kā-i kiò-chó ‘berries dream’ (m̂-á ê bāng) sī in-ūi chi̍t-chàn chi̍t-chàn ê nama cream kap m̂ lui, hō͘ goá liân-sióng tioh tiān-iáⁿ ‘inception’ lāi-té kong tioh ê chi̍t-chàn koh chi̍t-chàn ê bāng-kéng.

Goá chiong Gordon Ramsay ê si̍t-phó͘ sió-khoá kai-piàn, í-hā sī goá ê pán-pún so͘ su-iàu ê chhâi-liāu kap choè-hoat.

這个食譜是按Michelin三星總舖師Gordon Ramsay的strawberry and white chocolate millefeuille 學來的

我kā伊叫做’berries dream’ (莓仔的夢)是因為一層一層的nama ku-lín 及莓類, 予我聯想著電影Inception內底講著的一層koh一層的夢境.

我將Gordon Ramsay的食譜小可改變, 以下是我的版本所需要的材料及做法.

Chhâi-liāu:

So͘-iû mī-hún phoê, chi̍t-hūn

Nama cream (ē-ēng boé siang-poē khu-lín-mu lâi ka-kī phah choe nama cream/whipped cream)

Sî-kè-kó (passion fruit), 1 liap

chhì-m̂, 20 liap

nâ-m̂, 1 a̍p (125g)

soa-thn̂g, 2~3 toa-thng-sî

peh-sek ê chi-ku-la̍t (chocolate), 40g, chhiat chhùi

材料:

酥油麵粉皮, 一份

Nama cream / nama khu-lín (會用買雙倍khu-lín-mu來家己phah做nama cream/whipped cream)

時計果, 1粒

刺莓, 20粒

藍莓, 1盒 (125g)

砂糖, 2~3 大湯匙

白色的之龜力(chocolate), 40g, 切碎

choè-hoat:

1. Theh nn̄g-tiuⁿ hang-choá, tī hang-poâⁿ ê bīn-téng pho͘ chi̍t-tiuⁿ hang-choá, hang-choá bīn-téng seng sám chi̍t-têng soa-thn̂g, kā so͘-iû mī-hún phoê pho͘ hó, koh-chài sám chi̍t-têng soa-thn̂g, chiah koh khàm lēng-goā chi̍t-tiuⁿ hang-choá. Bīn-téng khǹg tiōng ê mi̍h-kiāⁿ.* Sang-ji̍p hang-lô͘, iōng 180°C hang 20~25 hun-cheng.

2. Nama cream ka sî-kè-kó, lā ho͘ chiâu-ûn. Chhì-m̂ kap nâ-m̂ soé chheng-khì, chhì-m̂ long chhiat chi̍t poan a̍h-sī chhiat phiⁿ.

3. Hang hó ê so͘-iû mī-hún phoê, khah liâng tioh ē-sái chhiat 12 phiⁿ, ta̍k-phiⁿ ài chīn-liāng kāng-khoán toa-sè phìⁿ.

4. cho͘-ha̍p: theh chi̍t-phiⁿ hang hó chhiat-hó ê so͘-iû mī-hún phoê, sî-kè-kó kau-bī ê nama cream boah leh bīn-téng, pho͘ siong chhì-m̂, chiah koh khàm chi̍t-chàn so͘-iû phoê, koh boah nama cream, pho͘ nâ-m̂, choè-āu koh khàm chi̍t-chàn so͘-iû phoê, sám peh-sek ê chi-ku-la̍t chhùi-phìⁿ tioh oân-sêng a!

Lí ê bāng ū kui chàn leh?

做法:

1. 提兩張烘紙, 佇烘盤的面頂鋪一張烘紙, 烘紙面頂先摻一層砂糖, kā酥油麵粉皮鋪好, 閣再摻一層砂糖, 才閣蓋另外一張烘紙. 面頂khǹg重的物件.*

送入烘爐, 用180°C烘20~25分鐘.

2. Nama cream 加時計果, 撓乎齊勻. 刺莓及藍莓洗清氣, 刺莓攏切一半抑是切片.

3. 烘好的酥油麵粉皮, 卡涼著會使切12片, 逐片愛盡量共款大細片.

4. 組合: 提一片烘好切好的酥油麵粉皮, 時計果口味的nama khu-lín抹leh面頂, 鋪上刺莓, 才閣蓋一層酥油皮, 閣抹nama khu-lín, 鋪藍莓, 最後閣蓋一層酥油皮, 摻白色的之龜力碎片著完成啊!

你的夢有幾層leh?

(中文)

這個食譜是取自於米其林三星主廚Gordon Ramsay的’strawberry and white chocolate millefeuille’。我把它取為’berries dream’是因為一層一層的cream和莓類，讓我聯想到’inception’當中一層又一層的夢境。我把Gordon Ramsay的食譜稍微改變一下，以下是我的版本所需要的材料和做法:

材料: (4人份)

Puff pastry* 一份

Whipped cream

百香果 一顆

草莓 20顆

藍莓 125g (一盒)

砂糖 2~3大匙

白巧克力 40g, 切碎

做法:

1. 取兩張烘焙紙，在烤盤上鋪一張烘焙紙，烘焙紙上面灑上一層砂糖，接著攤開puff pastry。再pastry上在灑上一層砂糖，蓋上另外一張烘焙紙。上面壓重物*。入烤箱，以180°C烤約20~25分鐘。

2. whipped cream加百香果，調和均勻。草莓、藍莓洗淨，草莓切半、切片。

3. puff pastry烤好後，以10cm x 5cm 的大小，切12片備用。

4. 組合: 在一片pastry抹上百香果口味的鮮奶油，鋪上草苺，上面再蓋上一層pastry，再抹一層鮮奶油，鋪上藍莓。最後再蓋上一層pastry後，灑上白巧克力碎片，即可。

你的夢有幾層?

*puff pastry就是我們拿來做可頌(牛角)麵包，或者丹麥奶酥麵包的那種pastry。這個可以自己做，但是，過程繁複，用買的比較快。

Pastry有很多種，wiki的介紹，可以參考一下。比較常用的就是當派皮的shortcrust pastry，還有今天用的這種 puff pastry。還有一種很薄的filo pastry，像是蘋果派(apple strudel)就會用這種pastry一層層包裹蘋果餡料。

*壓重物: puff pastry烤的時候會膨脹起來，可是我們這次不要它膨脹，反而要它保持脆度，卻不要有膨脹後的高度，因此，需要壓重度。